Bu uğurlar təkcə statistik göstəricilərlə deyil, həm də əhalinin sosial rifahının yaxşılaşması, yeni iş yerlərinin yaradılması və iqtisadiyyatın şaxələndirilməsi ilə özünü aydın şəkildə göstərir. İlk növbədə qeyd etmək lazımdır ki, ölkə iqtisadiyyatının əsas dayaqlarından biri olan enerji sektoru böyük inkişaf yolu keçmişdir. Neft və qaz hasilatının artması, yeni ixrac marşrutlarının yaradılması ölkəyə milyardlarla dollar gəlir gətirmişdir. Xüsusilə beynəlxalq enerji layihələrinin həyata keçirilməsi nəticəsində ölkəmiz Avropanın enerji təhlükəsizliyində mühüm rol oynayan tərəfdaşlardan birinə çevrilmişdir.
Dövlət başçısının sözlərinə görə, ötən il Azərbaycan ilə Gürcüstan arasında ticarət dövriyyəsi 800 milyon ABŞ dollarını ötüb. Bu, əvvəlki illərlə müqayisədə əhəmiyyətli artım deməkdir. Cari ilin ilk rübündə də müsbət dinamika davam etmiş, qarşılıqlı ticarət əlaqələri daha da genişlənmişdir. Cənab Prezident İlham Əliyev qeyd etmişdir ki, mövcud artım tempi saxlanılarsa, ilin sonuna qədər ticarət dövriyyəsinin 1 milyard dollara çatması real görünür. Bu isə iki ölkə arasında iqtisadi əlaqələrin yeni mərhələyə qədəm qoyduğunu göstərir.
Cənab Prezident İlham Əliyev həmçinin qeyd etmişdir ki, tərəflər yeni investisiya layihələri üzərində fikir mübadiləsi aparmış, gələcək əməkdaşlıq istiqamətlərini müzakirə etmişlər. Bu layihələr yalnız iki ölkə ilə məhdudlaşmaya bilər. Gələcəkdə üçüncü ölkələrdə birgə investisiya təşəbbüslərinin həyata keçirilməsi də mümkün hesab olunur.
Ümumilikdə, bu bəyanat Azərbaycan-Gürcüstan münasibətlərinin iqtisadi aspektdə sürətlə inkişaf etdiyini və tərəflərin qarşılıqlı faydalı əməkdaşlığı daha da dərinləşdirmək əzmində olduqlarını bir daha təsdiqləyir.

Sabunçu qəsəbəsi, 170 nömrəli tam orta ümumtəhsil məktəbinin
Azərbaycan dili və ədəbiyyat müəllimi Aygün Abbasova