25 may 2025-ci il tarixində Cənab Prezidentimiz İlham Əliyevin başçılığı ilə kənd təsərrüfatı məsələləri ilə bağlı müşavirə keçirildi. Cənab Prezident kənd təsərrüfatının bütün sahələrində inkişaf dinamikasını barədə geniş məlumat verdi. İdxal və ixrac edilmiş ərzaq məhsullarını dəqiq rəqəmlər üzrə qeyd etdi.

Bildiyimiz kimi Ümummilli liderimiz Heydər Əliyev kənd təsərrüfatının inkişafını xüsusi diqqət mərkəzində saxlamışdır. Prezidentimiz İlham Əliyev Cənabları da hakimiyyətə gəldikdən sonra kənd təsərrüfatının inkişafına qayğı göstərmişdir. Çünki kənd təsərrüfatının inkişafı ərzaq təhlükəsizliyi deməkdir.Həmçinin kənd təsərrüfatı təbii resurslara əsaslanır. Cənab Prezidentimiz hakimiyyətə gəldikdən sonra 2004-cü ildən başlayaraq beşillik proqram həyata keçirdi. Bu proqram hər beş ildən bir təkrarlanırdı və əsas məqsədi kənd təsərrüfatının bütün sahələrini inkişaf etdirmək idi.

Proqram çərçivəsində bir sıra layihələr quruldu.Ən başlıcası kəndlərin qaz,su və avtomobil yolları ilə təminatı idi. 10 il ərzində kənlərin elektrik enerjisi ilə təminatında heç bir problem olmadı, böyük su anbarlarıkanallar quruldu.Bölgələrin inkişafı sürətləndi.Fermerlərə gübrə,yanacaq güzəştləri kənd təsərrüfatının inkişafına təkan verdi.

Cənab Prezidentimiz pambıqçılıq, baramaçılıq və baramaçılıqla bağlı olan ipəkçilik sahəsində artımı ,eyni zamanda bu istehsalın artımı üçün planlara da toxundu. Ölkə başçımız heyvandarlıq, bitkiçilik,meyvəçilik,taxılçılıq, quşçuluq və digər ərzaq sahəsində idxal və ixrac sahəsində inkişafa nəzər yetirdi.

Prezidentimiz İlham Əliyev bu gün dünyada gedən müharibələrin ərzaq istehsalında çətinliklər yaratdığını qeyd etdi. Həmçinin Cənab Prezidentimiz çıxışı zamanı son günlərdə Azərbaycanda keçirilən Şəhərsalma Konfrasında qeyd edilən kənddən şəhərə axın məsələlərinə də toxundu. Bu prosesin bir çox dünya ölkələrində də olduğunu deyən Prezidentimiz şəhərlə kənd arasında fərqi aradan qaldırmaqla həll etmək yolunu göstərdi. Bu sahədə kəndlərdə xəstəxana ,məktəb tikintisini intensivləşdirmək,bölgələrdə məşğulluğu artırmaq lazım olduğunu qeyd etdi. Cənab Prezidentimiz son olaraq 2026-2030-cu illəri əhatə edən kənd təsərrüfatının inkişafı proqramı haqqında sərəncam verdi. Beləliklə, növbəti 5 il ərzində həm ərzaq təminatı artacaq,həm də xarici bazardan asılılıq azalacaq.

Sabunçu qəsəbəsi, 155 nömrəli tam ümumtəhsil məktəbinin

Azərbaycan dili və ədəbiyyat müəllimi Humay Vəliyeva