2 iyul – Azərbaycan Polisi Günü münasibətilə ölkəmizin hər guşəsində hüquq-mühafizə orqanlarında çalışan bütün fədakar insanlara ehtiramla yanaşılır. 107 illik şərəfli tarixi ilə Azərbaycan Polisi bu gün də xalqın təhlükəsizliyinə xidmət edən ən etibarlı dayaqlardan biridir. Onların ayıq-sayıq xidməti, gecə-gündüz demədən, fədakarlıqla yerinə yetirdikləri vəzifələr cəmiyyətin sabitliyinin, hüququn aliliyinin və dövlətçiliyin təməlində dayanır.

Bu müqəddəs vəzifəni vicdanla yerinə yetirənlər arasında öz fəaliyyəti, mədəniyyətə və insanlara yanaşması ilə seçilən rəhbərlərdən biri də Balakən Rayon Polis Şöbəsinin rəisi, polis polkovniki Çingiz Aslanovdur.

Çingiz Aslanov illərdir ki, hüquq-mühafizə sahəsində qazandığı təcrübə, peşəkarlıq və insanlarla qurduğu sağlam münasibətlə fərqlənir. Onun rəhbərlik etdiyi kollektiv Balakəndə ictimai asayişin qorunması, cinayətkarlığın qarşısının alınması və vətəndaş hüquqlarının müdafiəsi istiqamətində nümunəvi işlər görür. Onun adının Balakən rayon sakinləri tərəfindən hörmətlə çəkilməsi, təkcə vəzifəsinin deyil, həm də şəxsiyyətinin təcəssümüdür.

Bu gün Balakəndə hər bir vətəndaş bilir ki, polis onun yanındadır. Vətəndaşa qayğı, şəffaflıq, ədalətli yanaşma prinsipləri Çingiz Aslanovun rəhbərlik üslubunun əsas dayaqlarıdır. Bu da regionda hüquq-mühafizə sisteminə olan inamı daha da möhkəmləndirir. Onun rəhbərliyi ilə kollektiv hər bir hadisəyə hüquqi yanaşma sərgiləyir, eyni zamanda insan faktorunu heç vaxt unutmur.

Prezident İlham Əliyevin rəhbərliyi ilə Azərbaycanda hüquq-mühafizə orqanlarına göstərilən diqqət və dəstək, daxili işlər naziri cənab Vilayət Eyvazovun yüksək peşəkarlığa yönəlmiş islahatları ölkə üzrə olduğu kimi Balakəndə də uğurla həyata keçirilir. Bu prosesdə Çingiz Aslanov kimi məsuliyyətli rəhbərlər əsl nümunə göstərir.

Kanal7.az redaksiyası və kollektivi olaraq Balakən Rayon Polis Şöbəsinin rəisi Çingiz Aslanovu və bütün kollektivini 2 iyul – Azərbaycan Polisi Günü münasibətilə təbrik edirik. Sizin şərəfli xidmət yolunuzda əzmkarlığınız, vətəndaşlara olan diqqət və qayğınız, dövlətə sadiqliyiniz yüksək qiymətə layiqdir.

Sizə möhkəm can sağlığı, fədakar xidmətinizdə uğurlar və daim yüksələn peşəkar yol arzulayırıq. Azərbaycan xalqı Sizin kimi mətin və vətənpərvər polis zabitləri ilə qürur duyur!

Kanal7.az rəhbərliyi və kollektivi