Ağcabədi Rayon Mərkəzi Xəstəxanasının direktoru vəzifəsinə təyin olunmasından bir ilə yaxın vaxt keçən Elnur Abdullayev qısa müddətdə peşəkarlığı, yüksək təşkilatçılıq qabiliyyəti və insanpərvərliyi ilə fərqlənməyi bacarmışdır. Onun rəhbərliyi dövründə xəstəxananın inkişafı, tibbi xidmətlərin müasir tələblərə uyğunlaşdırılması, vətəndaşlara göstərilən qayğı və diqqət əhəmiyyətli dərəcədə artmışdır.

Elnur Abdullayev həkim peşəsinin məsuliyyətini dərindən dərk edən bir rəhbər kimi fəaliyyətini yalnız idarəçilik prinsipləri ilə məhdudlaşdırmır, həm də gündəlik iş prosesinə yaxından nəzarət edir. O, həkimlərin və digər tibb işçilərinin səmərəli fəaliyyət göstərməsi üçün əlverişli şərait yaradıb, ən əsası isə xəstəxananın maddi-texniki bazasının gücləndirilməsinə xüsusi önəm verib. Son bir ildə xəstəxanada laboratoriya avadanlıqları yenilənib, yeni tibbi cihazlar gətirilib, poliklinika şöbəsinin fəaliyyəti genişləndirilib. Bu yeniliklər rayon sakinlərinin daha keyfiyyətli tibbi xidmətlərdən yararlanmasına imkan yaradıb.

Əhali ilə sıx ünsiyyətə önəm verən Elnur Abdullayev daim şəffaf və açıq münasibəti ilə seçilir. Vətəndaşların müraciətləri onun üçün yalnız kağız üzərində deyil, həllini gözləyən vacib məsələlərdir. O, tez-tez şəxsən vətəndaşların qəbulunda iştirak edir, onların şikayət və təkliflərini dinləyir, dərhal həll yollarını tapmağa çalışır.

Onun rəhbərliyi dövründə Ağcabədi Rayon Mərkəzi Xəstəxanası təkcə səhiyyə ocağı olaraq deyil, həm də sosial dəstək mərkəzi kimi fəaliyyət göstərib. Xüsusilə, şəhid ailələri və qazilərə göstərilən diqqət və qayğı nümunəvidir. Elnur Abdullayev hər zaman bu müqəddəs kateqoriyadan olan insanlara xüsusi hörmətlə yanaşır, onların sağlamlıq problemlərinin operativ həlli üçün bütün imkanları səfərbər edir. Bu, həm kollektiv, həm də rayon ictimaiyyəti tərəfindən yüksək dəyərləndirilir.

Elnur Abdullayevin fəaliyyətində diqqət çəkən başqa bir məqam isə işgüzar yanaşma ilə yanaşı, humanist prinsiplərə əsaslanmasıdır. O, xəstəxanada çalışan həkimlərin peşəkarlığının artırılması, gənc mütəxəssislərin təcrübə qazanması üçün təlimlər təşkil edir. Bununla yanaşı, xəstəxanada yaradılan mehriban mühit həm personalın, həm də xəstələrin məmnuniyyətini təmin edir.

Qısa müddətdə gördüyü işlər Ağcabədi Rayon Mərkəzi Xəstəxanasının inkişafına böyük təkan verib. Bu inkişaf təkcə texniki tərəqqi ilə deyil, həm də insana qayğı, vətəndaşa xidmət prinsiplərinin gücləndirilməsi ilə müşahidə olunur.

Elnur Abdullayevin fəaliyyəti bir daha sübut edir ki, peşəkar həkim, bacarıqlı təşkilatçı və səmimi insan olan rəhbər qısa müddətdə böyük uğurlar qazana bilir. Ağcabədi əhalisi də inamla bildirir ki, onun rəhbərliyi ilə xəstəxana bundan sonra da inkişaf edəcək, səhiyyə xidmətlərinin keyfiyyəti daha da yüksələcəkdir.