Tariximizin şanlı səhifələrində şəhidlərimizin adı hər zaman qızıl hərflərlə yazılmışdır. Bu şəhidlərdən biri də Azərbaycanın Milli Qəhrəmanı, səngərlərin əfsanəsi Polad Həşimovdur. Onun vətən sevgisi, mərdliyi və qəhrəmanlığı hər bir azərbaycanlı üçün bir örnəkdir.

Polad Həşimov, 14 iyul 2020-ci ildə Tovuz döyüşlərində şəhid olaraq, Azərbaycanın müstəqilliyi və ərazi bütövlüyü uğrunda canını fəda etmişdir. O, sadəcə bir general deyil, həm də hər bir əsgərinin yanında olan, xalqının sevgisini qazanmış bir lider idi. Onun yüksək mənəviyyatı, insanpərvərliyi və komandanlıq bacarığı onu xalqın yaddaşında ölümsüz etmişdir.

Polad Həşimovun həyat yolu gəncliyimiz üçün əsl vətənpərvərlik nümunəsidir. O, ömrünü Vətənə xidmətə həsr etmiş, işğal altında olan torpaqlarımızın azadlığı uğrunda mübarizədə daim ön sırada olmuşdur. O, təkcə Azərbaycan xalqının deyil, Türk dünyasının da qəhrəmanlıq simvoluna çevrilmişdir.

Bu gün onun adı əbədi olaraq yaddaşımızda və ürəklərimizdə yaşayır. Polad Həşimovun şücaəti və xatirəsi bizi hər zaman Vətənimizə daha sıx bağlanmağa, onu qorumağa və uğrunda çalışmağa ruhlandırır.

Şəhidlər ölməz, Vətən bölünməz! 

Səngər generalımız Polad Həşimovu hörmət və minnətlə yad edirik. 

Ruhunuz şad olsun, qəhrəman!

Hörmətlə,
Əbədi Birlik Gənclər İctimai Birliyinin sədri Şahin Əliyev