Gəncə Dövlət Universitetində (GDU) Elmi Şuranın növbəti iclası keçirilib

Universitetin rektoru Yusif Yusibov iclası giriş sözü ilə açaraq qarşıdan gələn 31 dekabr-Dünya Azərbaycanlılarının Həmrəyliyi Günü və Yeni il bayramı münasibətilə ali təhsil ocağının əməkdaşlarını təbrik edib, ən xoş arzularını bildirib. Rektor diqqətə çatdırıb ki,  bayramlar münasibəti ilə səmərəli, qüsursuz fəaliyyətinə görə GDU-nun bir qrup əməkdaşı  Fəxri Fərmanla təltif olunub.

     Elmi Şurada rektor Yusif Yusibov gündəlikdə olan məsələləri şura üzvlərinin diqqətinə çatdırıb.  Sonra Tədris məsələləri üzrə prorektor Şahin Xurşudov 2023/2024-cü tədris ilinin payız  im­tahan sessiyasına hazırlığın vəziyyəti və qarşıda duran vəzifələrlə bağlı məlumat verib. Qeyd edilib ki, imtahan sessiyasının mövcud əsasnamələrə uyğun keçirilməsi üçün lazımi şərait yaradılıb, imtahanla əlaqədar təlimat hazırlanıb və universitetin saytında yerləşdirilib. Universitet üzrə əmrə əsasən imtahanların gedişinə operativ nəzarət və tələbələrin biliyinin qiymətləndirilməsində şəffaflığı təmin etmək məqsədilə İmtahan Qərargahı və Apellyasiya Komissiyası yaradılıb.

     İclasda İnnovasiyalar Departamentinin direktoru Vasif Həsənov son illər ərzində departament tərəfindən görülən işlərə dair geniş hasabatla çıxış edib.
Elmi Şurada Filologiya fakültəsinin, Təhsilin pedaqogikası və metodikası kafedrasının, eləcə də Psixologiya  kafedrasının 5 illik fəaliyyətinə dair hesabatları və komissiya sədrlərinin çıxışları dinlənilib.

   Gündəlikdə duran bütün məsələlər müzakirə olunaraq şura üzvləri tərəfindən qənaətbəxş hesab edilib.

   Elmi Şurada gizli səsvermənin nəticələri əsasında Riyazi analiz kafedrasının dosenti Abbas Hüseynova Gəncə Dövlət  Universitetinin “Fəxri professoru” adının verilməsi məqsədə uyğun hesab edilib.

  Elmi Şuranın iclasında 31 dekabr-Dünya Azərbaycanlılarının Həmrəyliyi Günü və Yeni il bayramı münasibətilə Gəncə Dövlət Universitetinin bütün əməkdaşlarına pul mükafatının verilməsi barədə qərar qəbul olunub.

     İclas cari məsələlərin müzakirəsi ilə başa çatıb.

• 

• 

• 

• 

• 

• 

• 

• 

• 

• 

GDU-NUN TƏLƏBƏ EVİNDƏ DÜNYA AZƏRBAYCANLILARININ HƏMRƏYLİK GÜNÜ VƏ YENİ İL MÜNASİBƏTİ İLƏ BAYRAM TƏDBİRİ KEÇİRİLİB

Gəncə Dövlət Universitetinin Tələbə Evində 31 Dekabr – Dünya Azərbaycanlılarının Həmrəylik Günü və Yeni il münasibətilə bayram tədbiri keçirilib.

    Tədbirdə Gəncə Dövlət Universitetinin rektoru Yusif Yusibov, prorektorlar, fakültə dekanları və tələbələr iştirak ediblər.

      Rektor Yusif Yusibov çıxış edərək qarşıdan gələn bayramlar münasibətilə universitetin kollektivini və tələbələri təbrik edib, ən xoş  arzularını çatdırıb.

     Azərbaycançılıq və milli həmrəylik ideyalarının təşəkkül tarixindən danışan rektor xalqımızın milli həmrəyliyə nail olması, dünyada Azərbaycan diasporunun formalaşması və təşkilatlanması istiqamətində Ümummilli Lider Heydər Əliyevin misilsiz xidmətlərindən söhbət açıb. Bildirib ki, 1991-ci ildə Ulu Öndər tərəfindən 31 dekabrın Dünya Azərbaycanlılarının Həmrəyliyi Günü elan edilməsi ən yeni tariximizin mühüm siyasi hadisələrindən biri olmuşdur. Dünya azərbaycanlıları ilə əlaqələr inkişaf etdirilmiş, xarici ölkələrdə diaspor təşkilatlarının formalaşdırılmasına kömək göstərilmiş, soydaşlarımızın tarixi Vətənlə bağlarının gücləndirilməsinə nail olunmuşdur. Dövlət müstəqilliyimizlə yaşıd olan bu proses sonrakı mərhələdə Azərbaycan Respublikasının Prezidenti İlham Əliyev tərəfindən uğurla davam etdirilmiş, diaspor siyasəti vahid dövlət siyasətinin ayrılmaz tərkib hissəsinə çevrilmişdir.

    Milli Həmrəylik Günün 3 ildir ki, ölkəmizdə daha yüksək əhvali-ruhiyyə ilə qarşılandığını  bildirən rektor qeyd edib ki, 44 günlük Vətən müharibəsi Azərbaycan xalqının həmrəyliyini, hər zaman Prezident İlham Əliyevin ətrafında sıx birləşməsi bir daha nümayiş etdirdi.

       Bayram tədbirində yola saldığımız ildə universitetdə əldə olunan uğurlardan söhbət açılıb və 2024-cü ildə görüləcək işlərdən  danışılıb.

      Bədii hissədə bayram tortunun kəsilməsi, Yeni ilin personajları olan Şaxta baba və Qar qızın tədbirə gəlməsi hər kəsdə xoş ovqat yaradıb. Müxtəlif  musiqi nömrələri və rəqslər  bayram tədbirini daha da  rəngarəng edib.