Müasir dövrdə müxtəlif xalqlar və mədəniyyətlər arasında qarşılıqlı anlaşmanın, hörmətin və əməkdaşlığın gücləndirilməsi böyük əhəmiyyət daşıyır. Bu baxımdan Ümumdünya Mədəniyyətlərarası Dialoq Forumu dünya xalqlarını bir araya gətirən, sülhün və qarşılıqlı etimadın möhkəmləndirilməsinə xidmət edən mühüm beynəlxalq platformadır.
Azərbaycan müxtəlif mədəniyyətlərin və dinlərin nümayəndələrinin əsrlər boyu sülh və mehribanlıq şəraitində yaşadığı ölkədir. Ölkəmiz milli-mənəvi dəyərlərin qorunmasına, multikulturalizmin inkişafına və xalqlar arasında dostluq münasibətlərinin möhkəmləndirilməsinə xüsusi önəm verir. Bakıda keçirilən beynəlxalq forumlar Azərbaycanın bu sahədə qazandığı təcrübənin dünyaya təqdim olunmasına geniş imkan yaradır.Mədəniyyətlərarası dialoq yalnız fərqli mədəniyyətləri tanımaq deyil, həm də insanlar arasında qarşılıqlı hörmət, etimad və əməkdaşlıq yaratmaq deməkdir. Belə tədbirlər müxtəlif ölkələrin nümayəndələrinə ortaq problemləri müzakirə etmək və onların həlli yollarını müəyyənləşdirmək imkanı verir. Bu isə dünyada ayrı-seçkiliyin, dini dözümsüzlüyün və münaqişələrin qarşısının alınmasına töhfə verir.
Nəticə etibarilə, Ümumdünya Mədəniyyətlərarası Dialoq Forumu sülhün, birliyin və qarşılıqlı anlaşmanın təşviqi baxımından mühüm əhəmiyyətə malikdir. Azərbaycanın bu istiqamətdə həyata keçirdiyi təşəbbüslər ölkəmizin beynəlxalq nüfuzunu artırır və onu mədəniyyətlərarası əməkdaşlığın etibarlı tərəfdaşlarından biri kimi tanıdır.

Sabunçu qəsəbəsi ,170 nömrəli tam orta ümumtəhsil məktəbin Azərbaycan dili və ədəbiyyat müəllimi Vəliyeva Lamiyə.