Cəsarət Əhmədov Azərbaycanın idman cameəsində nüfuz qazanan, ölkəmizin beynəlxalq idman aləmində tanınmasına töhfə verən və gənclərin sağlam ruhda formalaşmasına xüsusi diqqət ayıran şəxslərdən biri kimi tanınır. O, Azərbaycan Qol Güləşi Federasiyasının prezidenti olaraq yalnız idmanın inkişafı ilə deyil, həm də gənclərin milli ruhda yetişməsi, vətənpərvərlik hisslərinin gücləndirilməsi və sağlam həyat tərzinin təbliği istiqamətində mühüm fəaliyyət göstərir. Onun rəhbərliyi ilə federasiya ölkənin idman həyatında seçilən qurumlardan birinə çevrilib.

Cəsarət Əhmədov fəaliyyətində hər zaman gənclərə xüsusi diqqət ayıran insanlardan olub. O, hesab edir ki, idman yalnız fiziki güc deyil, eyni zamanda iradə, intizam və mənəvi möhkəmlik məktəbidir. Bu səbəbdən federasiya çərçivəsində təşkil olunan yarışlar, seminarlar və müxtəlif tədbirlər gənclərin həm idmançı, həm də vətəninə bağlı vətəndaş kimi formalaşmasına xidmət edir. Onun fəaliyyəti nəticəsində qol güləşi idman növünə maraq göstərən gənclərin sayı da əhəmiyyətli dərəcədə artıb.

Dünya Armrestling Federasiyasının prezidentinin müşaviri kimi fəaliyyəti də Cəsarət Əhmədovun beynəlxalq səviyyədə nüfuz sahibi olduğunu göstərir. O, bu vəzifədə Azərbaycanı layiqincə təmsil edir, ölkəmizin idman potensialını beynəlxalq arenada tanıdır və müxtəlif ölkələrlə əməkdaşlıq əlaqələrinin genişlənməsinə töhfə verir. Onun fəaliyyəti nəticəsində Azərbaycan qol güləşi idmanı beynəlxalq yarışlarda daha geniş şəkildə tanınmağa başlayıb və idmançılarımız dünya arenasında uğurlu nəticələr əldə ediblər.

Cəsarət Əhmədovun fəaliyyətində diqqət çəkən əsas məqamlardan biri də şəhid ailələri və qazilərə göstərdiyi xüsusi münasibətdir. Azərbaycanın ərazi bütövlüyü uğrunda canından keçən qəhrəmanlarımızın ailələrinə diqqət və qayğı göstərilməsi onun həyat prinsipinə çevrilib. O, müxtəlif tədbirlər və təşəbbüslərlə şəhid ailələrinin yanında olur, qazilərin problemlərinə həssas yanaşır və onların sosial rifahına dəstək göstərməyə çalışır. Bu münasibət cəmiyyət tərəfindən böyük hörmətlə qarşılanır.

Qarşıdan gələn müqəddəs Qurban bayramı və digər əlamətdar günlərdə aztəminatlı ailələrə göstərilən diqqət də Cəsarət Əhmədovun humanist xarakterinin göstəricilərindən biridir. O, daim ehtiyac sahiblərinin yanında olmağa çalışan, sosial qayğıya ehtiyacı olan insanlara dəstək göstərən şəxslərdəndir. İnsanlar belə məqamlarda onların sevincinə şərik olan, qayğılarına biganə qalmayan şəxsləri hər zaman hörmətlə xatırlayırlar.

Cəsarət Əhmədov dövlətçilik prinsiplərinə bağlı olan və ölkənin inkişafını hər zaman dəstəkləyən şəxslərdəndir. Azərbaycan Respublikasının Prezidenti İlham Əliyev cənab İlham Əliyevin rəhbərliyi ilə ölkədə idman sahəsində həyata keçirilən inkişaf siyasətini yüksək qiymətləndirən Cəsarət Əhmədov bu istiqamətdə öz fəaliyyəti ilə töhfə verməyə çalışır. O, hesab edir ki, güclü dövlətin əsas göstəricilərindən biri də sağlam və vətənpərvər gənclərin yetişməsidir.

Federasiya rəhbəri kimi onun əsas diqqət yetirdiyi məsələlərdən biri də idmançıların peşəkar inkişafıdır. O, gənc idmançıların beynəlxalq yarışlarda iştirakına, təlim-məşq proseslərinin keyfiyyətli təşkilinə və onların dünya səviyyəli idmançı kimi formalaşmasına xüsusi önəm verir. Bu istiqamətdə həyata keçirilən layihələr Azərbaycan qol güləşi idmanının inkişafına mühüm töhfə verir.

Cəsarət Əhmədov həmçinin idman və təhsilin birgə inkişafını vacib hesab edən şəxslərdəndir. Onun təşəbbüsü ilə gənclər üçün müxtəlif maarifləndirici layihələr, seminarlar və motivasiya xarakterli tədbirlər keçirilir. Bu tədbirlər gənclərin həm fiziki, həm də mənəvi inkişafına müsbət təsir göstərir və onların gələcək həyatında uğurlu fərd kimi formalaşmasına kömək edir.

Onu yaxından tanıyan insanlar Cəsarət Əhmədovu sadəliyi, səmimiyyəti və insanlara qarşı diqqətli münasibəti ilə xarakterizə edirlər. O, daim insanlarla ünsiyyətdə mehriban davranmağa, ehtiyacı olan şəxslərə dəstək göstərməyə və cəmiyyət üçün faydalı layihələr həyata keçirməyə çalışır. Bu xüsusiyyətlər onun həm idman cameəsində, həm də cəmiyyət arasında hörmət qazanmasına səbəb olub.

Cəsarət Əhmədovun fəaliyyəti göstərir ki, idman yalnız yarış və qələbədən ibarət deyil. İdman həm də vətənpərvərlik, insanlara dəstək, mənəvi dəyərlərin qorunması və cəmiyyətə faydalı olmaq missiyasıdır. Onun həyata keçirdiyi layihələr və gördüyü işlər də məhz bu prinsiplərə xidmət edir.

Bu gün Azərbaycan qol güləşi idmanının inkişafında əldə olunan uğurların arxasında Cəsarət Əhmədov kimi peşəkar və vətəninə bağlı insanların zəhməti dayanır. Onun fəaliyyəti yalnız idman sahəsində deyil, həm də sosial və ictimai istiqamətlərdə nümunə kimi qiymətləndirilir. İnsanlara diqqət, dövlətə sədaqət və gənclərə göstərilən qayğı isə onun fəaliyyətində xüsusi yer tutur.