Azərbaycan Respublikasının Prezidenti cənab prezident İlham Əliyevin 31 iyul 2026-cı ildə Qırğızıstana dövlət səfəri Azərbaycan–Qırğızıstan münasibətlərinin inkişafında mühüm mərhələ kimi qiymətləndirilir. Bu səfər iki qardaş ölkə arasında siyasi, iqtisadi, mədəni və humanitar əlaqələrin daha da möhkəmlənməsinə, qarşılıqlı əməkdaşlığın yeni istiqamətlər üzrə genişlənməsinə mühüm töhfə vermişdir.
Ulu öndər Heydər Əliyevin müəyyən etdiyi müstəqil və milli maraqlara əsaslanan xarici siyasət kursu bu gün cənab prezident İlham Əliyev tərəfindən uğurla davam etdirilir. Azərbaycan dövlətinin beynəlxalq münasibətlər sistemində etibarlı tərəfdaş kimi mövqeyinin möhkəmlənməsi, dost və qardaş ölkələrlə əlaqələrin inkişafı ölkəmizin həyata keçirdiyi məqsədyönlü siyasətin nəticəsidir.
Qırğızıstana dövlət səfəri zamanı cənab prezident İlham Əliyev ölkələrimiz arasında münasibətlərin ən yüksək səviyyəyə yüksəldiyini qeyd etmiş, müttəfiqlik əlaqələrinin böyük məsuliyyət tələb etdiyini vurğulamışdır. Azərbaycan və Qırğızıstan bundan sonra da beynəlxalq platformalarda, iqtisadi-ticari sahədə və təhlükəsizliyin möhkəmləndirilməsi istiqamətində bir-birinə dəstək göstərmək niyyətindədir.
Səfər çərçivəsində Azərbaycan–Qırğız İnvestisiya Fondunun maliyyə vəsaitinin 200 milyon ABŞ dollarına qədər artırılması barədə razılıq əldə edilmişdir. Bu qərar birgə layihələrin həyata keçirilməsinə, yeni iş yerlərinin yaradılmasına və iqtisadi əməkdaşlığın güclənməsinə xidmət edəcəkdir.
Azərbaycanın Qırğızıstanda həyata keçirdiyi layihələr xalqlarımız arasındakı dostluğun və qarşılıqlı etimadın bariz nümunəsidir. İssık-Kul gölünün sahilində Azərbaycan dövlətinin vəsaiti hesabına inşa edilən və “Bakı” adını daşıyan beşulduzlu hotel ölkəmizin iqtisadi imkanlarını, həmçinin dost ölkələrlə əməkdaşlığa verdiyi önəmi nümayiş etdirir.
Ağdam rayonunda “Manas” adını daşıyan məktəbin açılması Qırğız xalqının Qarabağın bərpasına verdiyi dəstəyin və xalqlarımız arasındakı qardaşlığın rəmzidir. Mədəni əlaqələrin inkişafı, Çingiz Aytmatovun irsinə göstərilən ehtiram və qarşılıqlı humanitar layihələr də ölkələrimizi daha da yaxınlaşdırır.
Qırğızıstan Respublikasının cənab prezident İlham Əliyevi ali dövlət mükafatı olan 1-ci dərəcəli “Manas” ordeni ilə təltif etməsi Azərbaycan–Qırğızıstan münasibətlərinə verilən yüksək dəyərin göstəricisidir. Eyni zamanda Qırğızıstan Respublikasının Prezidenti Sadır Japarovun Azərbaycanın ən yüksək dövlət təltifi olan “Heydər Əliyev” ordeni ilə təltif edilməsi ölkələrimiz arasında qarşılıqlı hörmətin və dostluğun təzahürüdür.
Bu gün Azərbaycan və Qırğızıstan arasındakı münasibətlər qarşılıqlı etimad, bərabərlik və ortaq maraqlar əsasında inkişaf edir. Siyasi dialoqun, iqtisadi əməkdaşlığın, mədəni əlaqələrin və humanitar layihələrin genişlənməsi iki qardaş xalqın gələcəkdə daha da yaxınlaşmasına şərait yaradır.
Qırğızıstana dövlət səfəri bir daha nümayiş etdirdi ki, Azərbaycan dost və qardaş ölkələrlə əlaqələrini qarşılıqlı hörmət, bərabərlik və ortaq maraqlar əsasında inkişaf etdirir. Bu əməkdaşlıq gələcəkdə xalqlarımızın rifahına və regionda sabitliyin möhkəmlənməsinə mühüm töhfə verəcəkdir.
69 nömrəli tam orta məktəb,
ibtidai sinif müəllimi Əliyeva Vüsalə Etibar